அடுத்த வாரத்திற்குள் கபாலி திரைப்படம் பார்காதவர்களை கணக்கெடுத்து தேசிய பாதுகாப்பு சட்டத்தில் அடைத்துவிடுவார்களோ என் அச்சம் கூட நிலவுகிறது.

தமிழ் இந்து நாளிதழில் சமஸ் ஒரு கட்டுரை எழுதினார். அதில் ’இயனஸ்கோ’வின் ஒரு பிரஞ்சு நாடகம் பற்றி குறிப்பிடுவார். கதையில் ஒருவர் காண்டாமிருகமாவார். அதனை தொடர்ந்து காண்டாமிருகம் தொடர்பான பேச்சுகள் அதிகமாகும். பேச்சுகள் அதிகமாக அதிகமாக அந்த நாட்டில் ஒருவர் தவிர்த்த அனைவருமே காண்டாமிருகமாகி விடுவார்கள்.

சிறிது சிறிதான ஆக்கிரமிப்பை உணராதவர்கள் எவ்வாறு ஆக்கிரமிப்புக்கும் ஏகாதிபத்தியத்திற்கும் இரையாக நேரிடுகிறது. என்பதை அழகாக காண்டாமிருக கதை மூலம் சொல்லுவார். 

நானும் காண்டாமிருகம் ஆகிவிடுவேனே என்ற அச்சம் என் மனதில் நிலை கொள்ளுகிறது # தலைமீது ஒற்றை கொம்பு இருக்கிறதா என அவ்வப்போது தடவி பார்த்து வருகிறேன்

 # சென்னைத்தமிழன்

திறந்த வாசலில் தென்றல்
நுழைந்து நலம் விசாரிக்கும்

சந்திப்பு நிகழும்
போதெல்லாம்
சந்தன வாசம் கமழும்

தரையில் கால்படாது
புவிஈர்ப்பு விசை
பொய்த்துப்போகும்

அத்தருணத்தில்
துன்பமே அருகில் வா
உனை காலால் உதைக்கிறேன்

(இடம் - பியாஸ் நதிக்கரை, இமாச்சல பிரதேசம்)

இது பழைய நகைச்சுவை என்ற போதிலும் ஒவ்வொரு முறை ’தகராறு’ என எழுதும் போது ஒரு தகராறு வந்து விடுவதை மறுப்பதற்கில்லை.

தமிழில் பல சொற்களுக்கு சரியான எழுத்து எழுதுவதில் பலருக்கு தடுமாற்றம் ஏற்படுவதை கண்கூடாகவே தெரிகிறது.

இதற்காகவே தமிழில் எழுத அச்சப் படுவோரும் உண்டு. கணினியில் MS WORDல் ஆங்கிலத்தில் தட்டச்சும் போது வார்த்தைகளில் சொற்பிழை இருப்பின் சிவப்பில் அடிக்கோடு வரும். இது போலவே தமிழிலும் வந்தால் எப்படி இருக்கும்.

அது மட்டுமல்லாமல் தவறாரன சொற்களுக்கு சரியா சொற்தேர்வினை அளித்தால் மேலும் மகிழ்ச்சிதானே?

கனவு மெய்பட்டு விட்டது. ஆம் உங்களது கைபேசியில் உள்ள ஆன்ராய்டு மொபைலில் Play store சென்று MS word செயலியை நிறுவுங்கள். இது மைக்ரோ சாப்ட் நிறுவனத்தின் அதிகாரப்பூர்வ செயலியாகும்.

நிறுவிய பின்னர்க் கூடுதலாக மொழித் தேர்வில் தமிழ் மொழியை என நிறுவி கொள்ளுங்கள்.

தமிழ் வழியே உள்ளீடை தொடருங்கள். இப்போது எந்த செலவும் இல்லாமல் உங்கள் தகராறு விற்குத் தீர்வு கிடைத்துவிடும்.

தமிழில் சொல்திருத்தி என்பது நமது மொழியைப் பிழையின்றி எழுத ஒரு வாய்ப்புத்தானே… அதுமட்டுமல்ல, MS WORD கோப்பினை ஒன் டிரைவ், குகுள் டிரைவ் மற்றும் டிராப் பாக்ஸ் என சேமிக்க முடியும்.

நீங்கள் சேமித்த கோப்புகளை இணைய இணைப்புள்ள எந்த கணினியிலும் பார்க்க, தொகுக்க முடியும் என்பது கூடுதல் வசதி.

”தாய்மொழி தமிழால் முடியாதது ஏதுமில்லை, புறப்படுவோம் பயணம்” #  சென்னைத்தமிழன்

சோதிடருக்கு மட்டுமல்ல பண்பலை கேட்கும் நேயர்களுக்கும் இதுதான் தமிழ் என அடையாளப்படுத்த வேண்டிய அவசியம் இருக்கிறது.

"ஆய் எப்படி இருக்கீங்க என கேட்கும் மியுசிக் சானல் குறுந்தாடி முதல் "இன்னிக்கி யார லவ் பண்ணீங்க" என கேட்கும் ரேடியோ ஜாக்கிகள் வரையில் 24 மணிநேரமும் தமிங்கிலத்தில் ”கலாய்த்து”க் கொண்டு இருக்கிறார்கள்.

நல்ல தமிழை பேச வேண்டும் அதை யார் சொல்லித்தருவார்கள் என நினைப்பவர்களுக்கு இந்த செயலி நிச்சயமாக உதவும்….

தமிழ் இணையக்கல்வி கழகத்தின் ஆன்ட்ராய்டு செயலியில் பத்து பகுதிகளாக நல்ல தமிழை பேச பேராசியர். கவிக்கோ ஞானசெல்வம் வகுப்பெடுக்கிறார். ஒலிஒளிக் காட்சிகள் மிக எளிதாக தரவிரக்கம் ஆகிவிடும். ஒவ்வொரு காட்சிகளும் 30 மணித்துளிகள் ஓடக்கூடியவை.

திறன் கைபேசியில் பல உதவாக்கரை செயலிகளை பார்த்து நேரவிரயம் செய்து கொண்டு இருக்கிறோம். நம்முடைய தாய் மொழியை எப்படி உச்சரிக்க வேண்டும், எப்படி எழுத வேண்டும், இலக்கணம்தான் என்ன என்பதை கற்றுணர வேண்டாமா?

google play store சென்று Nalla Tamil என தட்டச்சுங்கள். இன்றே பதிவிறக்கம் செய்யுங்கள், நல்ல தமிழை, செந்தமிழை உச்சரிப்போம்… #  சென்னைத்தமிழன்

வலைப்பதிவாளர் நீச்சல்காரன் அதை சாத்தியமாக்கியும் இருக்கிறார். சுளகு என்ற மென்பொருளில் நாம் வடித்த கருத்துக் கோவை(?)யினை மொத்தமாக உள்ளீடு செய்யுங்கள்.

எந்த சொல் மீண்டும் மீண்டும் வருகிறது. எந்த எழுத்து எத்தனை இரட்டை வேடம் எடுக்கிறது என்பதை துள்ளியப் படுத்துகிறது இந்த எழுத்தாய்வுக் கருவி.

ஒரு கூடுதல் செய்தி....
மு.வ வின் திருக்குறள் உரையில் ‘என்று’ எனும் சொல்லும் கலைஞரின் உரையில் ”வேண்டும்” என்ற சொல்லினை அதிகம் பயன்படுத்தியுள்ளார்.

நமது எழுத்துகளை முறைப்படுத்த நீங்களும் இந்த வலைத்தளத்தில் முயன்றால் நலம் #

 சென்னைத்தமிழன்

இணையதள முகவரிhttp://dev.neechalkaran.com/p/sulaku.html#.VqXZipp97IU
Neechalkaran
Sulaku - சுளகு
A Tamil letter Analyzer தமிழ் எழுத்தாய்வுக் கருவி

ஆம். நாம் கணினியில் தமிழ் உள்ளீடு செய்வோம்.
ஒரு எளிய மென்பொருளை தரவிறக்கம் செய்வோம்.

Google தேடு பொறிக்கு சென்று NHM Writer என தட்டச்சுங்கள். அதற்கான வலைபக்கத்திற்கு சென்று அந்த மென்பொருளை தரவிரக்கம் செய்யுங்கள். சுமார் 1 எம்பி மட்டுமே கொள்ளவு உடைய சிறிய கோப்பு இது. சில நொடிகளில் வேலை முடிந்துவிடும்.

இப்போது மென்பொருளை, தமிழ் என தேர்வு செய்து நிறுவுங்கள். வலப்புறம் கீழே ஒரு மணி போன்றதொரு சின்னம் இருக்கும். அதனை சுட்டிக் கொண்டு இடப்புறம் சொடுக்கினால் 8 வழி முறைகள் கிடைக்கும்.

இப்போது தமிழ்99 என தேர்வு செய்யுங்கள்.

மணி இப்போது தங்க நிறமாக மாறும். தங்கம் வந்துவிட்டாலே தமிழ் வந்துவிட்டது என்றே அர்த்தம்.

மொழி மிகச்சிறந்த ஆயுதம். NHM writer அற்புதமான கருவி.

தாய் மொழி தமிழில் களமாடுங்கள் தோழர்களே…

எழுத்து தெய்வம்!
எழுதுகோலும் தெய்வம்! - பாரதி

எழுத்து தெய்வம் நம் கணினியில் குடி கொள்ளட்டும்

# சென்னைத்தமிழன்